TBİLİSİ. 4 aprel. TELEQRAF
Sulxan Tamazaşvili Gürcüstanın Acarıstan Muxtar Respublikası (MR) hökumətinin başçısı vəzifəsinə namizəd kimi təqdim olunub.
Teleqraf-ın yerli bürosu xəbər verir ki, onun təqdimatını ölkə prezidenti Mixeil Kavelaşvili edib.
Dövlət başçısı qeyd edib ki, S.Tamazaşvilinin namizədliyi təsdiqlənməsi üçün Acarıstan MR-in Ali Şurasına təqdim olunub.
Qeyd edək ki, S.Tamazaşvili Tbilisi Polis Departamentinin rəhbəri olub.
Xatırladaq ki, Acarıstan MR-in hökumət başçısı Tornike Rijvadze bu gün istefa verib. O, 2018-ci ildən bu vəzifəni tuturdu.
