TBİLİSİ, 4 aprel. TELEQRAF
Gürcüstan parlamenti Anri Oxanaşvilinin Dövlət Təhlükəsizliyi Xidmətinin (DTX) rəisi vəzifəsinə təyinatını təsdiqləyib.
Teleqraf-ın yerli bürosu xəbər verir ki, onun namizədliyini 79 deputat dəstəkləyib.
A.Oxanaşvili DTX-yə növbəti altı il müddətində rəhbərlik edəcək.
Qeyd edək ki, A.Oxanaşvili ötən ilin noyabrından Gürcüstanın ədliyyə naziri vəzifəsini tutub. O, yeni vəzifədə Qriqol Liluaşvilini əvəzləyəcək. DTX-nin keçmiş rəisi yeni yaradılacaq Regional İnkişaf Nazirliyinə rəhbərlik edəcək.
