TBİLİSİ, 3 aprel. TELEQRAF
Bu ilin mart ayında Gürcüstandan 97 xarici ölkə vətəndaşı çıxarılıb.
Teleqraf-ın yerli bürosu xəbər verir ki, bu barədə Gürcüstan Daxili İşlər Nazirliyinin Miqrasiya Departamentindən bildirilib.
Məlumata əsasən, həmin şəxslər Belarus, Çin, Tacikistan, Azərbaycan, Rusiya, Banqladeş, ABŞ, İraq, İran, Nigeriya, Türkmənistan, Türkiyə, Misir, Pakistan, Kamerun, İordaniya və Qırğızıstan vətəndaşlarıdırlar.
Əcnəbilərin bir qismi Gürcüstanı könüllü şəkildə tərk edib, digərləri isə ölkədən məcburi çıxarılıb. Onların Gürcüstana girişi qanunvericiliyə uyğun olaraq qadağan edilib.
