BAKI, 5 mart. TELEQRAF
ABŞ Prezidenti Donald Tramp ölkəsinin NATO-dakı aparıcı rolundan imtina etmək imkanını nəzərdən keçirir.
Teleqraf xəbər verir ki, bu barədə Britaniyanın “Daily Mail” qəzeti məlumat yayıb.
Həmçinin qeyd olunur ki, NATO 1949-cu ildə yaranandan bəri Avropadakı Müttəfiq Qüvvələrin Ali Baş Komandanı vəzifəsi amerikalı generaldadır:
“Amma ABŞ-nin Avropa müttəfiqlərinin qitənin təhlükəsizliyi üçün daha çox məsuliyyət daşıması tələbinin bir hissəsi olaraq, Vaşinqton bu vəzifəni Britaniya və ya Fransa generallarının götürəcəyini gözləyir”.
Bundan əlavə, Böyük Britaniya hökuməti Ağ Evin son addımlarını və bəyanatlarını nəzərə alaraq, ABŞ-nin öz qoşunlarını Avropadakı bazalarından çıxarmağa başlayacağından ehtiyat edir.
