BAKI, 20 mart. TELEQRAF

İranda Novruz bayramı öncəsi yollarda müşahidə olunan sıxlıq qəzalara səbəb olub.

Teleqraf IRNA-ya istinadən xəbər verir ki, İran yol polisi bayram öncəsi baş verən qəzalarda 132 nəfərin öldüyünü, 4 min nəfərin isə yaralandığını bəyan edib.

Qəzaların əksəriyyətinin sürücülərin yorğunluğu, diqqətsizliyi və avtomobillərin istifadəyə yararsızlığı üzündən baş verdiyi qeyd olunub.

Hicri-şəms təqviminə görə, 21 Mart İranda yeni ilin başlanğıc günü hesab olunur. Bayram günlərində İranın avtomobil yollarında hər il sıxlıq müşahidə olunur.