TBİLİSİ, 2 aprel. TELEQRAF
Tbilisi Şəhər Məhkəməsi müxalif “Güclü Gürcüstan” koalisiyasının liderlərdinən biri Mamuka Xazaradze ilə bağlı qətimkan tədbiri kimi 50 min lari (30 815 AZN) məbləğində girov tətbiq edib.
Teleqraf-ın yerli bürosu xəbər verir ki, girovun ödənilməsi üçün 30 günlük müddət müəyyən edilib.
Müdafiə tərəfi M.Xazaradzenin qətimkan tədbiri olmadan azadlığa buraxılmasını istəyib.
Qeyd edək ki, ötən gün Gürcüstanın Baş Prokurorluğu müxalifətçiyə qarşı ittiham irəli sürüb. Siyasətçi parlamentin 2003-2012-ci illərdə mövcud olan hakimiyyətin fəaliyyətini araşdıran istintaq komissiyasının qanuni tələbini yerinə yetirməməkdə ittiham olunub. Komissiyanın mandatı genişləndirilib və araşdırma dövrü 2012-ci ildən sonrakı illəri də əhatə edəcək.
