TBİLİSİ, 2 aprel. TELEQRAF
Gürcüstanın Dövlət Təhlükəsizliyi Xidmətinin (DTX) rəisi Qriqol Liluaşvili istefa verib.
Teleqraf-ın yerli bürosu xəbər verir ki, bu barədə Gürcüstanın Baş naziri İrakli Kobaxidze keçirdiyi brifinqdə bildirib.
Onun sözlərinə görə, DTX-nin rəisi vəzifəsinə Anri Oxanaşvili təyin olunacaq.
Baş nazir bildirib ki, A.Oxanaşvilinin namizədliyinin təsdiqlənməsi ilə bağlı məsələ parlamentin aprelin 4-də keçiriləcək iclasında səsverməyə qoyulacaq.
İ.Kobaxidze əlavə edib ki, Q.Liluaşvili yeni yaradılacaq Regional İnkişaf Nazirliyinə rəhbərlik edəcək, ədliyyə naziri vəzifəsinə isə deputat Paata Saliya təyin ediləcək.
Qeyd edək ki, A.Oxanaşvili ötən ilin noyabrından Gürcüstanın ədliyyə naziri vəzifəsində çalışıb. Q.Liluaşvili DTX rəisi vəzifəsini 2019-cu ilin oktyabrından tutub. Onun səlahiyyət müddəti bu ilin oktyabrında başa çatır.
