TBİLİSİ, 26 mart. TELEQRAF

Arçil Kalandiya Gürcüstanın Türkiyədəki səfiri vəzifəsinə təyin olunub.

Teleqraf-ın yerli bürosu xəbər verir ki, bununla bağlı Gürcüstanın Baş naziri İrakli Kobaxidze fərman imzalayıb.

Sənədə əsasən, A.Kalandiya bu ilin aprelin 1-dən etibarən səlahiyyətlərinin icrasına başlayacaq.

Yeni səfirin namizədliyi təsdiqlənməsi üçün Gürcüstan Prezidenti Mixeil Kavelaşviliyə təqdim edilib.

Qeyd edək ki, A.Kalandiya 2018-ci ildən Gürcüstanın Çindəki səfiri vəzifəsində çalışıb. 2018-2024-cü illərdə Gürcüstanın Türkiyədəki səfiri Giorgi Cancğava olub. O, bu yaxınlarda Gürcüstanın Birləşmiş Ərəb Əmirliklərindəki səfiri vəzifəsinə təyin edilib.