Xarkovda yeraltı məktəblərlə yanaşı, xəstəxanaların nəzdində yeraltı əməliyyat otaqları və reanimasiya müəssisələri də fəaliyyət göstərəcək. Mədəniyyət müəssisələri də yerin altında yerləşir.

Teleqraf.com xəbər verir ki, bu barədə telemarafon zamanı şəhərin meri İqor Terexov məlumat verib.

“Biz Səhiyyə Nazirliyi ilə birlikdə tibb müəssisələrimizin bazasında yeraltı reanimasiya və əməliyyat otaqlarının yaradılması üzərində işləyirik”, - mer deyib.

Terekhov həmçinin bildirib ki, Xarkovda yeraltı mədəniyyət müəssisələri şəbəkəsi bundan sonra da genişlənəcək. Onun sözlərinə görə, Xarkov sakinləri tərəfindən müvafiq müraciət var.