BAKI, 6 iyun. TELEQRAF
ABŞ müdafiə naziri Pit Heqset və fransalı həmkarı Ketrin Votren Vaşinqtonun Avropa müttəfiqlərinin Şimali Atlantika Alyansına (NATO) töhfələrini artırması ilə bağlı məsələləri müzakirə ediblər.
Teleqraf xəbər verir ki, bu barədə Pentaqonun müdafiə nazirinin ictimaiyyətlə əlaqələr şöbəsi məlumat yayıb.
Nazirlər NATO müttəfiqlərinin müdafiə xərclərini ÜDM-in 5%-nə qədər artırmaqla Avropa qitəsinin təhlükəsizliyini təmin etmək üçün əsas məsuliyyəti öz üzərinə götürməsinin zərurətindən danışıblar.
Görüş müttəfiq qüvvələrinin Normandiyaya daxil olmasının 82-ci ildönümünü qeyd etmək üçün Fransanın şimalında keçirilən tədbirlər çərçivəsində baş tutub.
May ayının sonunda Almaniyanın "Der Spiegel" jurnalı ABŞ-nin NATO-da iştirakını əhəmiyyətli dərəcədə azaltmaq və alyansı daha az qoşunla təmin etmək niyyətində olduğunu yazmışdı.
