BAKI, 3 iyul. TELEQRAF

“Ukrayna Prezidenti Volodimir Zelenskiyə Polşa ilə münasibətlərdə gərginliyin azaldılması məsuliyyətinin Kiyevin üzərinə düşdüyünü xatırlatmışam”.

Teleqraf xəbər verir ki, bunu Polşa Baş naziri Donald Tusk bildirib.

“Ukrayna Prezidentinə dedim ki, bu gərginliyi azaltmaq üçün çıxış yolu tapmaq məsuliyyəti onun üzərinə düşür”, - o qeyd edib.

Tusk vurğulayıb ki, ölkəsinin təhlükəsizliyinin qonşu dövlətlərlə, o cümlədən Ukrayna ilə yaxşı münasibətlər üzərində qurulmasını istəyir.

Polşa Baş naziri Ukrayna liderini bu çərçivədə Varşava və Kiyev arasında yaranmış problemləri həll etməyə çağırıb.