BƏRDƏ, 20 fevral. TELEQRAF
Şəhid Dadaş Şərif oğlu Dadaşov 32 ildən sonra torpağa tapşırılıb.
Teleqraf-ın Qarabağ bürosunun məlumatına görə, uzun illər itkin şəhid kimi qeydiyyatda olan Dadaş Dadaşovla vida mərasimi keçirildikdən sonra onun nəşi Bərdə rayonunun Molla İsalar kəndində dəfn olunub.
Dəfn mərasimində rayon sakinləri, rəsmi qurumların təmsilçiləri, şəhidin yaxınları iştirak ediblər.
Qeyd edək ki, Dadaş Dadaşov 1972-ci ildə Ağdərə rayonunun İmarət Qərvənd kəndində anadan olub.
1994-cü ildə Kəlbəcər rayonunun Yanşaq kəndi uğrunda gedən döyüşlər zamanı itkin düşmüşdü.
