MASALLI, 29 oktyabr. TELEQRAF
Masallıda baş verən yol-nəqliyyat hadisəsi ölümlə nəticələnib.
Teleqraf-ın Cənub bürosu xəbər verir ki, qəza rayonun Musaküçə kəndi ərazisində qeydə alınıb.
Sakit İsmayılovun idarə etdiyi “Subaru” markalı minik avtomobili Məzahir Əkbərovun idarə etdiyi “ZİL” markalı yük maşını ilə toqquşub.
Nəticədə “Subaru”nun sürücüsü müxtəlif dərəcəli bədən xəsarətləri alıb. Avtomobildə olan 1966-cı il təvəllüdlü sərnişin Taleh Həsənov isə hadisə yerində dünyasını dəyişib.
Faktla bağlı araşdırma aparılır.
