BAKI, 8 noyabr. TELEQRAF

Azərbaycan Premyer Liqasının “Zəfər turu” adlandırılan XI turuna bu gün yekun vurulacaq.

Teleqraf xəbər verir ki, turun son günündə 2 oyun keçiriləcək.

Günün ilk qarşılaşmasında “İmişli” Yevlax şəhər stadionunda “Sumqayıt”ı qəbul edəcək. Matçı baş hakim Əkbər Əhmədov idarə edəcək.

İmişli klubu 10 xalla turnir cədvəlinin səkkizinci, "kimyaçılar" isə 9 xalla doqquzuncu pillədə yer alır.

Turun bağlanış matçında isə “Sabah” “Şamaxı” ilə üz-üzə gələcək. Görüşün baş hakimi Kamal Umudlu olacaq.

“Sabah” 20 xalla turnir cədvəlinin üçüncü, “Şamaxı” isə 13 xalla yeddinci pillədə qərarlaşıb.

Qeyd edək ki, daha əvvəl “Qarabağ” “Turan Tovuz”a (0:1) uduzub, “Neftçi” “Kəpəz”i (1:0), “Zirə” isə “Qəbələ”ni (2:1) məğlub edib. “Şəfa” – “Araz-Naxçıvan” matçında (2:2) isə qalib müəyyənləşməyib.

Azərbaycan Premyer Liqası

XI tur (“Zəfər turu”)

8 noyabr

15:00. “İmişli” – “Sumqayıt”

Hakimlər: Əkbər Əhmədov, Akif Əmirəli, Müslüm Əliyev, Namiq Bəkirov.

VAR: Cavid Cəlilov.

AVAR: Pərvin Talıbov.

Hakim-inspektor: Əmrah İbrahimov.

AFFA nümayəndəsi: Azər Əsgərov.

Yevlax şəhər stadionu

17:30. “Sabah” – “Şamaxı”

Hakimlər: Kamal Umudlu, Namiq Hüseynov, Vüsal Məmmədov, Nicat İsmayıllı.

VAR: Rəvan Həmzəzadə.

AVAR: Eyyub İbrahimov.

Hakim-inspektor: Munis Abdullayev.

AFFA nümayəndəsi: Elçin Məmmədov.

“Sabah Arena”