BAKI, 16 avqust. TELEQRAF

UFC-nin yarıorta çəki dərəcəsində çempionu İslam Maxaçev növbəti qələbəsini qazanıb.

Teleqraf xəbər verir ki, rusiyalı döyüşçü ABŞ-nin Filadelfiya şəhərində keçirilən UFC 330 turnirinin əsas döyüşündə irlandiyalı İan Qarri ilə qarşılaşıb.

Beş raund davam edən qarşılaşmada Maxaçev hakimlərin yekdil qərarı ilə qalib gəlib. Hakimlər döyüşü 49:46, 49:46 və 48:47 hesabı ilə rusiyalı idmançının xeyrinə qiymətləndiriblər. Bununla da Maxaçev yarıorta çəkidə çempionluq kəmərini ilk dəfə uğurla müdafiə edib.

Bu, 34 yaşlı döyüşçünün peşəkar karyerasında 29-cu qələbəsi olub. Onun aktivində cəmi bir məğlubiyyət var. Maxaçev bununla karyerasını 29 qələbə və məğlubiyyətsiz başa vuran keçmiş UFC çempionu Həbib Nurməhəmmədovun qələbə sayına çatıb.

Maxaçev eyni zamanda UFC-də ardıcıl 17-ci qələbəsini qazanaraq təşkilatın yeni rekorduna imza atıb.