BAKI, 3 aprel. TELEQRAF

“Qarabağ” Azərbaycan Kubokunda 75-ci səfər oyununu keçirib.

Teleqraf Peşəkar Futbol Liqasının rəsmi saytına istinadən xəbər verir ki, bu, yarımfinalın ilk matçına təsadüf edib.

“Araz-Naxçıvan”la görüş Ağdam klubu üçün yubileylə əlamətdar olub.

75-ci qarşılaşma həm də 20-ci məğlubiyyətlə nəticələnib. Qurban Qurbanovun baş məşqçi olduğu kollektiv 0:1 hesabı ilə uduzub.

Qeyd edək ki, “Qarabağ” ölkə kubokunda 1993-cü ildə debüt edib.