.png)
BAKI, 2 aprel. TELEQRAF
“Qarabağ”ın xorvatiyalı qapıçısı Fabian Buntiç və “Araz-Naxçıvan”ın müdafiəçisi Ömər Buludov bu il ilk dəfə meydana çıxıb.
Teleqraf xəbər verir ki, Azərbaycan Kubokunun 1/2 final mərhələsinin “Liv Bona Dea Arena”da keçirilən ilk matçında hər iki futbolçu start heyətdə yer alıb.
Ömər Buludov dekabrın 22-dı Azərbaycan Premyer Liqasının XVIII turunda məhz Ağdam təmsilçisi ilə görüşdə zədələnərək 3 ay müddətinə yaşıl meydandan uzaq düşmüşdü.
Buntiç isə XVII turun dekabrın 16-da “Sumqayıt”la matçında meydana çıxdıqdan sonra şans qazanmamışdı. 28 yaşlı qolkiper yalnız Avropa Liqasının VII turunda Rumıniyanın FCSB komandasına qarşı oyunda meydana çıxmışdı.
Xatırladaq ki, martın 28-də “Turan Tovuz”la oyundan sonra mətbuat konfransında "Qarabağ"ın baş məşqçisi Qurban Qurbanov "Buntiçə uzun müddətdir şans verməməyiniz onunla yolların ayrılacağı anlamına gəlmir?" sualına belə cavab vermişdi: "Qapıçı elə mövqedir ki, hər oyunçuya şans vermək olmur. Limitə görə bəzən Şahrudin Məhəmmədəliyevi oynadırıq. Qarşıdakı matçlarda Buntiçə də şans verəcəyik”.
Qeyd edək ki, Fabian Buntiçin Ağdam təmsilçisi ilə 2027-ci ilin yayınadək müqaviləsi var.