BAKI. 29 mart. TELEQRAF
Dünyanın ən bahalı futbolçularından ibarət simvolik yığma tərtib olunub.
Teleqraf xəbər verir ki, Transfermarkt internet portalı "11-liy"i qiymətlərdəki yenilənmələrin yekunlarına əsasən müəyyənləşdirib.
Heyətdəki 11 oyunçudan 1-i qapıçı, 3-ü müdafiəçi, 3-ü yarımmüdafiəçi, 4-ü hücumçudur. Qiymətlər isə qapıçıdan hücumçuyadək artan xətt üzrə bahalaşır.
Qapıçı: Qreqor Kobel ("Borussiya Dortmund", Almaniya) - 40 milyon avro
Müdafiəçilər: Vilyam Saliba ("Arsenal", İngiltərə) — 80 milyon avro, Alessandro Bastoni ("İnter", İtaliya) — 80 milyon avro, Qabriel Maqalyans ("Arsenal", İngiltərə) — 75 milyon avro
Yarımmüdafiəçilər: Federiko Valverde ("Real Madrid", İspaniya) — 130 milyon avro, Cud Bellingem ("Real Madrid", İspaniya) — 180 milyon avro, Florian Virts ("Bayer Leverkuzen", Almaniya) — 140 milyon avro
Hücumçular: Kilian Mbappe ("Real Madrid", İspaniya) — 170 milyon avro, Lamin Yamal ("Barselona", İspaniya) — 180 milyon avro, Vinisius Junior ("Real Madrid", İspaniya) — 200 milyon avro, Erlinq Holann ("Mançester Siti", İngiltərə) — 200 milyon avro.
