BAKI, 15 avqust. TELEQRAF
Husilərin Mocha limanına raket zərbəsi nəticəsində bir təhlükəsizlik işçisi həlak olub, səkkiz nəfər yaralanıb.
Teleqraf xəbər verir ki, bu barədə Yəmən Müdafiə Nazirliyi məlumat yayıb.
“Avqustun 14-də husilər Mocha limanına altı ballistik raketlə hücum ediblər”, - deyə açıqlamada bildirib.
İlkin məlumatlara görə, hücum nəticəsində bir liman təhlükəsizlik zabiti həlak olub, iki dənizçi itkin düşüb, səkkiz mülki şəxs yaralanıb. Ordu bu hücumu cəzasız qoymayacaq və “sərt, çəkindirici cavab” verəcək.
