BAKI, 23 noyabr. TELEQRAF
ABŞ tərəfi Ukraynada tərəflərin prioritetlərini və “qırmızı xətləri” yaxşı anlayır.
Teleqraf xəbər verir ki, bu barədə ABŞ dövlət katibi Marko Rubio jurnalistlərə bildirib.
Rubio qeyd edib ki, 10 aylıq danışıqlar prosesində tərəflərin əsas məsələlərini və sərhədlərini düzgün başa düşmək vacibdir.
Onun sözlərinə görə, Cenevrədə aparılan danışıqlar ABŞ üçün indiyə qədərki ən məhsuldar görüşlərdir. Həmçinin qeyd edib ki, Avropa İttifaqı və NATO-nun Ukrayna məsələsinin həllində rolunu hələ müzakirə etmək lazımdır.
Rubio əlavə edib ki, danışıqlar davam edir və nəticələrini açıqlamaq tezdir.
