BAKI, 8 may. TELEQRAF

Ermənistan Baş naziri Nikol Paşinyan və bir sıra hökumət üzvləri parlament seçkiləri ilə bağlı kampaniyada iştirak etmək üçün bu gündən etibarən məzuniyyətə çıxıblar.

Teleqraf xəbər verir ki, bu barədə Ermənistan mediası məlumat yayıb.

Məzuniyyətə çıxan Ermənistan rəsmiləri:

Baş nazir Nikol Paşinyan

Xarici işlər naziri Ararat Mirzoyan

Ətraf mühit və təbii sərvətlər naziri Mxitar Hayrapetyan

Ətraf mühit naziri Ambarsum Matevosyan

Müdafiə naziri Suren Papikyan

Əmək və sosial məsələlər naziri Arsen Torosyan

Səhiyyə naziri Anahit Avanesyan

Ərazi idarəetmə və infrastruktur naziri David Xudatyan

Ali təhsil və elm naziri Janna Andreasyan

Ədliyyə naziri Srbuhi Qalyan

Maliyyə naziri Vahe Ovannisyan

İqtisadiyyat naziri Gevorq Papoyan.

Hakim “Vətəndaş Müqaviləsi” Partiyasının seçki siyahısına daxil olan regional rəhbərlər və baş nazirin müşavirləri də məzuniyyətdədir.

Qeyd edək ki, Nikol Paşinyanın yerinə 8-27 may və 30 may-5 iyun tarixləri arasında müvəqqəti olaraq baş nazirin müavini Mqer Qriqoryan, 29 mayda isə baş nazirin digər müavini Tiqran Xaçaturyan təyin olunub.

Ermənistanda parlament seçkiləri iyunun 7-də keçiriləcək.