BAKI, 4 aprel. TELEQRAF
ABŞ Rusiyanın Ukraynadakı müharibəni dayandırmağa hazır olub-olmadığını bir neçə həftəyə biləcək.
Teleqraf xəbər verir ki, bunu ABŞ Dövlət katibi Marko Rubio deyib.
“Prezidentin (Donald Tramp) etmək istədiyi budur: müharibəni bitirmək istəyir, həm də tezliklə. Razılaşarlarsa, müharibəni hər iki tərəf üçün məqbul olan şərtlərlə bitirmək olar. Hazırda bu şərtləri tapmaq prosesindəyik və tezliklə Rusiyanın sülhə hazır olub-olmadığını biləcəyik, bu, aylar yox, bir neçə həftə çəkəcək”, - dövlət katibi bildirib.
