CƏLİLABAD, 28 fevral. TELEQRAF
Cəlilabad rayonunun Vənlik kəndi ərazisində yerləşən suötrücü qurğusu güclü yağışlardan sonra yenidən qəzalı vəziyyətə düşüb.
Teleqraf-ın Cənub bürosu xəbər verir ki, ötən ildən bəri bir neçə dəfə müvəqqəti bərpa olunan beton konstruksiyanı son sel suları yenidən yuyaraq yararsız hala salıb.
Hazırda ərazidə təmir işləri aparılır.
Bu keçid Vənlik, Oğrubulaq və Fətullaqışlaq kəndlərinin rayon mərkəzi ilə yeganə nəqliyyat əlaqəsidir.
