BAKI, 3 aprel. TELEQRAF

Suriyada İsrail Müdafiə Qüvvələrinin (IDF) həyata keçirdiyi hava hücumları nəticəsində onlarla mülki şəxs və hərbçi yaralanıb.

Teleqraf xəbər verir ki, bu barədə Suriya Xarici İşlər Nazirliyi məlumat yayıb.

“İsrail qüvvələri 30 dəqiqə ərzində ölkənin beş bölgəsinə hava zərbələri endirib, nəticədə Həma hərbi aerodromu, demək olar ki, tamamilə məhv edilib, onlarla mülki şəxs və hərbçinin yaralanıb", - nazirlik bildirib.

Rəsmi Dəməşq qeyd edir ki, İDF-nin hücumları beynəlxalq hüququn və Suriyanın suverenliyinin kobud şəkildə pozulmasıdır.

Suriya Xarici İşlər Nazirliyi həmçinin vurğulayıb ki, beynəlxalq ictimaiyyət təcavüzü dayandırmaq, beynəlxalq hüquqa və 1974-cü ildə qüvvələr bölgüsü sazişindən irəli gələn öhdəliklərinə əməl etmək üçün İsrailə qəti mövqe nümayiş etdirməli və təzyiq göstərməlidir.