BAKI, 4 aprel. TELEQRAF
Ağ Evdəki danışıqlardan sonra Rusiya prezidentinin xüsusi nümayəndəsi Kirill Dmitriyev Ukraynanın təhlükəsizliyinə təminat verilməsi ilə bağlı gözlənilməz açıqlama verib.
Teleqraf xəbər verir ki, o, “Fox News”a müsahibəsində Ukrayna üçün bəzi təhlükəsizlik zəmanətlərinin məqbul ola biləcəyini söyləyib.
“Bu və ya digər formada bəzi təhlükəsizlik təminatları məqbul ola bilər”, - Rusiya rəsmisi bildirib.
Dmitriyev söhbətin hansı təminatlardan getdiyini açıqlamasa da, Ukraynanın NATO-ya üzvlüyünün tamamilə qeyri-mümkün olduğunu iddia edib.
