BAKI, 2 aprel. TELEQRAF
İranlılar İslam Respublikası ərazisini işğal edən hər kəsin ayaqlarını kəsəcəklər.
Teleqraf xəbər verir ki, bunu İran parlamentinin Milli Təhlükəsizlik və Xarici Siyasət Komitəsinin sədri İbrahim Əzizi ABŞ-nin təhdidlərinə cavab olaraq deyib.
“Hər hansı bir təcavüzkar İranın müqəddəs torpağına ayaq basarsa, biz onun ayağını kəsəcəyik. Biz heç bir müharibəyə başlamamışıq, amma təcavüzkarlarla qəti və sərt şəkildə mübarizə aparmağı öyrənmişik. Sionist rejim (İsrail) və ABŞ bilməlidir ki, uydurma bir bəhanə ilə milli təhlükəsizliyimizə zərrə qədər də olsa, zərər vurmağa çalışsalar, artıq dünyanın heç bir yerində özlərini təhlükəsiz hiss etməyəcəklər”, - iranlı parlamentari bildirib.
Əzizinin sözlərinə görə, ABŞ və ya İsraillə əməkdaşlıq edən istənilən dövlət İran tərəfindən döyüş meydanında hədəf olacaq.
