BAKI, 3 iyun. TELEQRAF

ABŞ Ədliyyə Nazirliyi keçmiş ölkə başçısı Co Baydenin bir sıra qohumlarını və edam məhbuslarını əfv etmək qərarını nə dərəcədə şüurlu şəkildə verdiyini müəyyən etmək üçün araşdırma aparacaq.

Teleqraf xəbər verir ki, bu barədə “Reuters” məlumat yayıb.

Məlumata görə, Baydenin prezidentliyinin son günlərində verilən əfvlə bağlı araşdırmaya başlamaq əmri verilib.

Ədliyyə Departamentinin əfv üzrə vəkili Ed Martin bildirib ki, istintaq Baydenin qərar qəbul etmək qabiliyyətinə malik olub-olmadığını müəyyən etmək məqsədi daşıyır.

“Reuters” istisna etmir ki, istintaq Baydenin səhhəti və zehni aydınlığı ilə bağlı sualları gündəmə gətirmək məqsədi daşıyır.