BAKI, 13 fevral. TELEQRAF
ABŞ Prezidenti Donald Tramp ərəb tərəfdaşlarından Qəzza zolağından fələstinlilərin köçürülməsini təmin edəcək alternativ təkliflər gözləyir.
Teleqraf xəbər verir ki, bu barədə Ağ Evin mətbuat katibi Kerolayn Livitt brifinqdə bildirib.
Onun sözlərinə görə, bu məsələ Amerika administrasiyasının rəhbəri ilə İordaniya kralı II Abdullah arasında danışıqlar zamanı müzakirə olunub: "Kral fələstinlilərin bölgədə qalmalarını və əlavə torpaqların yeni tikintilər üçün istifadə edilməsini istəyir, bu, görünməmiş miqyasda yeni iş yerlərinin açılmasına səbəb olardı. Lakin Prezident hesab edir ki, fələstinlilər daha təhlükəsiz ərazilərə köçürülsələr, daha yaxşı olar".
Livitt əlavə edib: "Prezident Yaxın Şərqdə sülh prinsipinə dərindən sadiqdir. Bizim regiondakı ərəb tərəfdaşlarımıza sülh planı hazırlamaq tapşırılıb".
