BAKI, 20 iyun. TELEQRAF

İrana qarşı müharibə İsrailə gündə yüz milyonlarla ABŞ dollarına başa gəlir ki, bu da onun uzunmüddətli döyüş əməliyyatları aparmaq qabiliyyətini əhəmiyyətli dərəcədə məhdudlaşdıra bilər.

Teleqraf xəbər verir ki, “The Wall Street Journal” (WSJ) qəzeti bu qərara gəlib.

Qəzetin məlumatına görə, İsrail hava hücumundan müdafiə sahəsinə hər gün 200 milyon ABŞ dolları xərcləyir. Həm zərbələr endirmək, həm də raketləri dəf etmək üçün istifadə olunan döyüş sursatları və təyyarələr də döyüş əməliyyatlarının aparılması xərclərini əhəmiyyətli dərəcədə artırır.

WSJ-nin qeyd etdiyi kimi, artan xərclər İsraili münaqişəni bitirməyə sövq edə bilər, çünki təkcə zədələnmiş binaların bərpası ən azı 400 milyon ABŞ dollarına başa gələ bilər.