BAKI, 14 aprel. TELEQRAF

Fələstin HƏMAS hərəkatı İsrailin təklif etdiyi 10 girovun azad edilməsi və 45 günlük atəşkəs barədəki təklifi nəzərdən keçirir.

Teleqraf xəbər verir ki, bu barədə “Maan” agentliyi məlumat yayıb.

İsrail Qəzzada atəşkəsi bərpa etmək üçün 10 girovu, o cümlədən İsrail və ABŞ vətəndaşı İdan Aleksandrı azad etməyi təklif edir.

Bu təklifə görə, 45 gün ərzində İsrail ordusu Qəzzada işğal etdiyi ərazilərdən çıxmalı və Qəzza ilə sərhəddə bir neçə yoxlama-keçid məntəqəsi açılmalıdır. Bu, blokadada olan Qəzza əhalisinə humanitar yardım göndərmək üçün imkan yaradacaq. Hazırda bu təklif HƏMAS tərəfindən müzakirə olunur.