BAKI, 2 aprel. TELEQRAF

“Denver Naggets”in basketbolçusu Nikola Yokiç Milli Basketbol Assosiasiyasında (NBA) unikal nailiyyətə imza atıb.

Teleqraf xəbər verir ki, serbiyalı hücumçu NBA tarixində 61 xalla tripl-dabl (üç statistik göstəricidə 10-dan çox xal toplama - red.) edən ilk oyunçu olub. Yokiç buna müntəzəm mövsümün "Minnesota Timbervulvz"a 139:140 hesabı ilə məğlub olduqları oyununda nail olub.

30 yaşlı serbiyalının aktivində həmçinin 10 ribaund və eynisayda məhsuldar ötürmə var.

Qeyd edək ki, Nikola Yokiç 2015-ci ildən "Denver Naggets"in şərəfini qoruyur. O, 2023-cü ildə NBA-nın çempionu olub.