BAKI, 3 aprel. TELEQRAF
Müharibəyə son qoymaq üçün keçiriləcək danışıqlar zamanı Ukrayna Rusiya tərəfindən işğal edilmiş əraziləri tanımayacaq və Silahlı Qüvvələrin sayının azaldılmasına razı olmayacaq.
Teleqraf xəbər verir ki, bunu Ukrayna Prezidenti Volodimir Zelenski deyib.
“Bizim üçün prioritet güclü ordumuzdur. Ona görə də bu, bizim üçün qırmızı xətdir və heç bir azalma olmayacaq. Ordunun sayı baxımından bu ştatda qalması üçün hər şeyi edəcəyik. Müharibənin əvvəlində olduğundan üç dəfə böyük olan böyük bir ordumuz var”, - dövlət başçısı bildirib.
Zelenski həmçinin vurğulayıb ki, Ukraynanın gələcək sülh danışıqlarında prioritet qırmızı xətti Rusiya tərəfindən işğal olunmuş ərazilərin tanınmaması olacaq:
“Bunlar Ukrayna əraziləridir, bu, bizim üçün ən vacib qırmızı xətlərdən biridir. Bu ərazilər müvəqqəti işğal olunub”.
Prezident qeyd edib ki, bütün işğal edilmiş ərazilər qaytarılanda ədalətli sülh olacaq:
“Amma bu ərazilərin zamanla diplomatik yollarla qaytarılması üçün bir kompromis tapa bilsək… Fikrimcə, bəzi ərazilər üçün yəqin ki, yeganə yol bu olacaq”.
