BAKI, 26 sentyabr. TELEQRAF

Türkmənistan və Belarus anesteziologiya və neonatal reanimasiya üzrə mütəxəssislərin hazırlanması üzrə birgə layihələri davam etdirir.

Teleqraf xəbər verir ki, bu barədə Türkmənistan Tibbi İnformasiya Mərkəzi məlumat yayıb.

Bildirilib ki, iki ildir belaruslu mütəxəssislər Türkmənistanın Perinatal Mərkəzində praktiki məşğələlər keçirirlər. Belarus nümayəndə heyətinin növbəti səfəri 2025-ci ilin noyabrına planlaşdırılıb.

Sentyabrın 23-dən 27-dək Minskdə UNICEF, Türkmənistan Səhiyyə Nazirliyi və müvafiq təşkilatların iştirakı ilə beynəlxalq toplantı keçirilir. İştirakçılar profilaktik tibb, qidalanma və epidemioloji təhlükəsizlik məsələlərini müzakirə edirlər.