BAKI, 3 aprel. TELEQRAF

ABŞ Prezidenti Donald Trampın reytinqi yanvarın 20-də inauqurasiya mərasimindən sonra ilk dəfə olaraq 43%-ə qədər düşüb.

Teleqraf xəbər verir ki, sorğu "Reuters" və "Ipsos" tərəfindən aparılıb .

Yanvar ayında Trampın reytinqi 47% təşkil etmişdi.

Son sorğunun nəticələrinə görə, respondentlər Ağ Ev rəhbərinin ABŞ iqtisadiyyatının idarə edilməsində, eləcə də yaşayış minimumuna qarşı mübarizədə fəaliyyətini mənfi qiymətləndiriblər.

Respondentlərin 52%-i hesab edir ki, Trampın xarici avtomobillərə və ehtiyat hissələrinə tariflər tətbiq etməsi onların yaxınlarına ziyan vuracaq.