BAKI, 2 aprel. TELEQRAF

ABŞ hakimiyyəti Kosta-Rikanın keçmiş prezidenti və Nobel Sülh Mükafatı laureatı Oskar Arias Sançesin vizasını ləğv edib.

Teleqraf xəbər verir ki, bu barədə Kosta Rikanın “Nacion” nəşri məlumat yayıb .

Sabiq prezidentin sözlərinə görə, Birləmiş Ştatlar onun vizasını ləğv etmək üçün səbəb göstərməyib: “Donald Tramp administrasiyasında avtoritar xüsusiyyətlər var. Rəsmi Vaşinqton tez-tez tanınmış əcnəbilər üçün vizanın ləğvindən cəza növü kimi istifadə etməyə başlayıb”.

Bir müddət əvvəl Sançes ABŞ liderinin yürütdüyü siyasəti kəskin tənqid edib.

Sabiq lider 1986-1990 və 2006-2010-cu illərdə Kosta Rikanın rəhbəri olub. O, 1987-ci ildə Mərkəzi Amerikada sülhməramlı fəaliyyətinə görə Nobel Sülh Mükafatına layiq görülüb.