BAKI, 18 sentyabr. TELEQRAF

“Rusiyadan alınan S-400 zenit-raket kompleksləri Türkiyə ordusunun xidmətində qalır”.

Teleqraf xəbər verir ki, bunu Türkiyə Milli Müdafiə Nazirliyinin sözçüsü Zəki Aktürk bildirib.

“S-400 hava hücumundan müdafiə sistemləri ordumuzda xidmətdədir. S-400-lə bağlı mövqeyimiz dəyişməyib”, - sözçü S-400-lərin Rusiyaya qaytarılacağı ilə bağlı iddianı şərh edərkən qeyd edib.

Xatırladaq ki, bundan əvvəl KİV-də Ukrayna ilə müharibədə müdafiə sistemləri problemi ilə üzləşən Rusiyanın Türkiyəyə satdığı S-400 raketlərini geri istəməsi barədə məlumat yayılmışdı.