BAKI, 4 aprel. TELEQRAF

İsrail Müdafiə Qüvvələri (SAXAL) Qəzza zolağının şimalında yerləşən Şücaiyyə şəhərində quru əməliyyatına başladığını açıqlayıb.

Teleqraf xəbər verir ki, bu barədə İsrail Müdafiə Nazirliyi məlumat yayıb.

Açıqlamada deyilir ki, İsrail ordusu Qəzzanın şimalında yerləşən Şücaiyyədə təhlükəsizlik zonasının genişləndirilməsi məqsədilə quru əməliyyatı həyata keçirməyə başlayıb.

Əməliyyat çərçivəsində çoxlu sayda silahlı zərərsizləşdirilib və HƏMAS-ın obyektlərinə zərbələr endirilib.

Qeyd edək ki, martın 18-də İsrail ordusu Qəzza sektorunda döyüş əməliyyatlarını bərpa edib.