BAKI, 26 dekabr. TELEQRAF

Türkiyənin Ermənistanla münasibətlərin normallaşdırılması prosesi Azərbaycanla koordinasiyalı şəkildə aparılır və bu koordinasiya müsbət nəticələr verir.

Teleqraf xəbər verir ki, bunu Azərbaycan xarici işlər naziri Ceyhun Bayramov 2025-ci ilin yekunlarına həsr olunmuş mətbuat konfransında deyib.

"Türkiyə Azərbaycan üçün qardaş dövlətdir və biz müttəfiq ölkələrik. Türkiyə həm işğal dövründə, həm də Vətən müharibəsi zamanı Azərbaycana yüksək səviyyədə dəstək göstərib. Həmkarım Hakan Fidan da demişdi ki, Ermənistanla Türkiyə arasında münasibətləri Azərbaycanın Ermənistanla münasibətlərinə bağlıdır. Türkiyədən Ermənistana uçuşlara gəlincə, bizim üçün yenilik olmadı, məlumatımız vardı", - o əlavə edib.