BAKI, 1 mart. TELEQRAF

Azərbaycan Premyer Liqasının XXII turunda baş tutan “Qarabağ” - “Sabah” oyununda insident yaşanıb.

Teleqraf xəbər verir ki, hadisə matçın 84-cü dəqiqəsində “Qarabağ”ın 3-cü qolundan sonra baş verib.

Belə ki, “Sabah”ın məşqçi korpusundan italiyalı Valerio Zuddas Qurban Qurbanovun köməkçisi Müşfiq Hüseynova qarşı qeyri-etik jest edilib. Daha sonra hər iki komandanın üzvləri məsələyə qarışıb və insidentin gərginliyi artıb.

Ətrafdakı şəxslərin müdaxiləsi ilə ara sakitləşdirilib.

Qeyd edək ki, qarşılaşma 3-3 hesabı ilə başa çatıb.