BAKI, 26 avqust. TELEQRAF
“Hazırlıqları tamamlamışıq. Sabah bizi ilk oyundan da çətin oyun gözləyir”.
Teleqraf xəbər verir ki, bunu “Qarabağ”ın futbolçusu Bəhlul Mustafazadə Bakıda Macarıstanın “Ferentsvaroş” klubu ilə keçirəcəkləri UEFA Çempionlar Liqasının pley-off mərhələsinin cavab oyunundan öncə mətbuat konfransında deyib.
28 yaşlı müdafiəçi matça yaxşı hazırlaşdıqlarını söyləyib: “Komanda şəklində meydanda əlimizdən gələni edəcəyik”.
O, UEFA Çempionlar Liqasının əsas mərhələsində oynamağın azərbaycanlı futbolçu üçün böyük uğur olacağını deyib: “iki dəfə pley-offa qədər çatmışam. Artıq daha təcrübəliyəm. İlk oyundakı üstünlüyü qorumaq üçün daha çox ağıllı və soyuqqanlı olmalıyıq”.
