BAKI, 11 iyul. TELEQRAF
İsrail qoşunları Livanın cənubundakı təhlükəsizlik zonasında tank əleyhinə raketlər və silah daşıyan iki Hizbullah qruplaşması aşkar etdikdən sonra hədəflərə zərbələr endiriblər.
Teleqraf xəbər verir ki, bu barədə İsrail Müdafiə Qüvvələri məlumat yayıb.
Məlumatda qeyd olunur: "İsrail hərbçiləri Livanın cənubundakı təhlükəsizlik zonasında tank əleyhinə raket daşıyan bir neçə Hizbullah terrorçusu aşkar ediblər. Terrorçular təhlükəsizlik zonasına bir nəqliyyat vasitəsi ilə daxil olub və tank əleyhinə raketləri ərazidəki bir tikiliyə boşaldıblar. Digər Hizbullah terrorçuları tikiliyə daha çox silah gətirib içəri girdikdən sonra İsrail ordusu təhlükəni aradan qaldırmaq üçün hava hücumu təşkil edib. Zərbədən sonra partlayışlar olub və bu da strukturun içərisində silahların olduğunu təsdiqləyir" - məlumatda bildirilir.
