ABŞ-nin Mavritaniyadakı səfirliyi özünə və Amerika vətəndaşlarına qarşı terror təhdidini izləyir və belə bir hücum riskinin yüksək olduğunu qeyd edir.
Teleqraf xəbər verir ki, bu barədə ABŞ səfirliyinin saytında müvafiq xəbərdarlıq dərc edilib.
Xəbərdarlıqda deyilir: "23 mart 2026-cı ildə ABŞ səfirliyinə qarşı edilən son təhdiddən sonra ABŞ səfirliyinə və Amerika vətəndaşlarına qarşı terror hücumları riski yüksəkdir. Mümkün hədəflərə ABŞ səfirliyi və Amerika vətəndaşlarının tez-tez getdiyi yerlər və ya ərazilər daxil ola bilər, lakin bunlarla məhdudlaşmır."
Səfirlik Amerika vətəndaşlarına etirazların tez-tez baş verdiyi ərazilərdən çəkinməyi, yerli medianı izləməyi və ehtiyatlı olmağı tövsiyə edib.
