BAKI, 15 aprel. TELEQRAF
Ağ Ev Dövlət Departamentinin büdcəsini təxminən yarıya qədər azaltmağı planlaşdırır.
Teleqraf xəbər verir ki, məlumatı "Washington Post" yayıb.
Ötən həftə açıqlanan memorandumda Dövlət Departamenti ümumi büdcəsinin təxminən 50% azalaraq 28,4 milyard dollara çatdırılması təklif edilir. Bu, Konqresin 2025-ci il üçün təsdiq etdiyi məbləğdən 27 milyard dollar azdır.
Büdcənin yarıyadək azalması ilə bağlı qərar başqa qurumları da gözləyir.
Humanitar yardım, qlobal səhiyyə və beynəlxalq təşkilatların maliyyəsinin kəsilməsi xüsusilə aktual olacaq. Üstəlik, beynəlxalq təşkilatlar üçün büdcə ayırmalarının demək olar ki, 90% azaldılması planlaşdırılır ki, bununla da sülhməramlı əməliyyatlar, BMT, NATO və MAQATE və ICAO kimi bir neçə təşkilat istisna olmaqla, 20 digər beynəlxalq təşkilatın maliyyələşdirilməsi faktiki olaraq dayandırılır.
Eyni zamanda, təklif olunan büdcədə müttəfiqlərin silahlı qüvvələrinin inkişafı üçün İsrail və Misir də daxil olmaqla 5,1 milyard dollar həcmində ənənəvi qrantlar saxlanılır.
