BAKI, 4 aprel. TELEQRAF
BMT İnsan Haqları Şurasının 58-ci sessiyasında iştirak edən 47 ölkədən 22-si Qərbin təşəbbüsü ilə hazırlanan anti-Rusiya qətnaməsini dəstəkləməyib.
Teleqraf xəbər verir ki, bu barədə TASS məlumat yayıb.
Qətnaməyə qarşı çıxan ölkələr sırasında Burundi, Çin, Sudan və Efiopiya var.
Bundan əlavə, 18 ölkə, o cümlədən Braziliya, İndoneziya, Qırğızıstan, Kolumbiya, Kuba və Cənubi Afrika bitərəf qalıb.
Sənədi əsasən NATO və Aİ ölkələri, habelə Albaniya, Qambiya, Qana, Gürcüstan, Dominikan Respublikası, Kosta-Rika, Fil Dişi Sahili və Çili dəstəkləyib.
Qeyd edək ki, sözügedən qətnamə Ukraynada insan haqlarının pozulması ilə bağlı istintaq komissiyasının mandatının daha bir il uzadılmasını nəzərdə tutur.
Rusiya Xarici İşlər Nazirliyi bu komissiyanı qeyri-obyektiv və korrupsiyalaşmış qurum kimi qiymətləndirərək, onunla hər hansı əməkdaşlıqdan imtina edib.
