BAKI, 25 fevral. TELEQRAF

Serbiyanın BMT Baş Assambleyasında Rusiya əleyhinə qətnaməni dəstəkləməsi xəyanət və rüsvayçılıqdır.

Teleqraf xəbər verir ki, bunu Baş nazirin müavini Aleksandr Vulin deyib.

O bildirib ki, Serbiya Avropada Rusiyaya qarşı sanksiya tətbiq etməyən yeganə ölkədir:

"BMT-dəki rüsvayçılıq olmamalıydı. Serbiya təmsilçiləri bizi biabır elədilər".

Vulin bu addımı səhv deyil, xəyanət hesab edir. Onun fikrincə, xarici işlər naziri Marko Curiç buna görə cavab verməlidir.