BAKI, 23 iyun. TELEQRAF

Qazaxıstan Prezidenti Kasım-Jomart Tokayev Belçikaya səfər edib.

Teleqraf xəbər verir ki, bu barədə Avropa İttifaqı Şurasının Prezidenti Antonio Koşta sosial media hesabında paylaşım edib.

"Hörmətli Prezident Kasım-Jomart Tokayev gözəl ölkənizə səfərimdən altı ay sonra sizi Brüsseldə salamlamaqdan böyük məmnunluq duyuram. Bu görüş Avropa İttifaqı ilə Qazaxıstan arasında qarşılıqlı maraq doğuran bir çox sahədə artan əlaqələrin göstəricisidir. Genişləndirilmiş Tərəfdaşlıq və Əməkdaşlıq Sazişimiz həm Qazaxıstan, həm də Avropa üçün real və əhəmiyyətli faydalar təmin edir. Strateji tərəfdaşlar olaraq, biz əməkdaşlığımızı gücləndirməkdə davam edirik",- o vurğulayıb.