BAKI, 23 noyabr. TELEQRAF

ABŞ Demokrat Partiyası 1992-ci ildən bəri ilk dəfə Konqresin Nümayəndələr Palatasında 258 yer qazanıb.

Teleqraf xəbər verir ki, bu barədə “Associated Press” (AP) agentliyi məlumat yayıb.

Məlumata görə, demokratların son 34 ildə ən yüksək nəticəyə nail olması Şimali Karolina ştatında partiyanın namizədi Çak Habbardın respublikaçı rəqibi Virciniya Foks üzərində qələbəsindən sonra rəsmiləşib.

Respublikaçılar isə Konqresin aşağı palatasında 173 yer əldə ediblər.

Xatırladaq ki, noyabrın 3-də ABŞ-də Konqresə aralıq seçkilər keçirilib. Seçkilərin nəticələrinə əsasən, demokratlar Konqresin hər iki palatasında çoxluğu təmin ediblər.

Seçkilərdən sonra formalaşacaq 120-ci çağırış Konqresi 2027-ci il yanvarın 3-də fəaliyyətə başlayacaq.