BAKI, 20 noyabr. TELEQRAF

ABŞ fond bazarı noyabrın 19-da ticarət sessiyasını ciddi itkilərlə başa vurub. Ölkənin aparıcı texnologiya və müdafiə sənayesi şirkətlərinin səhmləri ucuzlaşıb.

Teleqraf xəbər verir ki, bu barədə ABŞ birjalarının ticarət məlumatlarında bildirilib.

Ticarətin yekunlarına əsasən, “Dow Jones” indeksi 2,19 faiz azalaraq 49 101,11, “S&P 500” indeksi 2,02 faiz geriləyərək 7 175,83, “Nasdaq 100” isə 2,21 faiz düşərək 26 517,05 bənd təşkil edib.

Texnologiya sektorunda “Nvidia”nın səhmləri 3,3 faiz, “Alphabet”in 3,46 faiz, “Amazon”un 3,87 faiz, “Microsoft”un isə 1,97 faiz ucuzlaşıb.

“Tesla”nın səhmləri 2,43 faiz, “SpaceX”in səhmləri isə 3,53 faiz dəyər itirib.

Müdafiə sənayesində də azalma qeydə alınıb. “Lockheed Martin”, “Northrop Grumman”, “RTX” və “General Dynamics” şirkətlərinin səhmləri ucuzlaşıb.

Ümumi eniş fonunda istisna “Anthropic” şirkəti olub. Birjaya yeni çıxan süni intellekt şirkətinin səhmləri ilk ticarət günündə 17,07 faiz bahalaşaraq 97,17 dollara yüksəlib.