BAKI, 2 iyun. TELEQRAF
İran və ABŞ arasında razılaşma layihəsi ilə bağlı rabitə bir neçə gündür dayandırılıb.
Teleqraf xəbər verir ki, bu barədə İranın “Fars” informasiya agentliyi mənbəyə istinadla məlumat yayıb.
Mənbə bildirib ki, Tehrandan Vaşinqtona göndərilən son düzəliş layihəsində Livanda atəşkəs rejiminin bərpasının zəruriliyi barədə açıq mesaj yer alıb.
“Tasnim” də iyunun 1-də Tehranın İsrailin Livana hücumuna etiraz olaraq Vaşinqtonla əlaqələri dayandırdığını yazmışdı. ABŞ və İran bir müddətdir atəşkəsin uzadılmasını və Hörmüz boğazında gəmilərin hərəkətinin bərpa olunmasını nəzərdə tutan razılaşma layihəsi ilə bağlı mesaj mübadiləsi aparırdı.
