BAKI, 4 aprel. TELEQRAF

Türkiyə Suriyada İsraillə üz-üzə gəlmək istəmir.

Teleqraf xəbər verir ki, bunu Türkiyə xarici işlər naziri Hakan Fidan “Reuters”ə müsahibəsində deyib.

Nazir İsrailin Suriyaya hücumlarının regional qeyri-sabitliyə səbəb olduğunu bildirib: “İsrailin hücumları Suriyanın yeni hökumətinin İŞİD-ə qarşı mübarizəsini sarsıdır”.

Hakan Fidan ABŞ-nin Türkiyəyə qarşı sanksiyalarına da toxunub:

“S-400-lərə görə Türkiyəyə tətbiq edilən sanksiyalar aradan qaldırılmalıdır”.

Türkiyə xarici işlər naziri ABŞ-İran gərginliyi ilə bağlı bunları söyləyib:

“ABŞ-İran gərginliyi diplomatiya yolu ilə həll edilməlidir. İrana hücum edilməsini görmək istəmirik”.